Policia e Kufitare bën të ditur se janë riatdhesuar vullnetarisht 178 shqiptarë nga Franca të cilëve i është refuzuar kërkesa për azil nga autoritetet franceze. Gjithashtu bëhet e ditur se të tjera riatdhesime të detyruara dhe vullnetare do të bëhen nga Franca.
Njoftimi i policisë:
Rinas
Riatdhesohen vullnetarisht 178 shtetas shqiptarë
Zyra Franceze për Migracionin dhe Integrimin, ka bërë të mundur transportin e 178 shtetasve shqiptarë, të cilët janë kthyer vullnetarisht në Shqipëri, pas refuzimit të kërkesës së tyre për azil nga autoritetet franceze.
Të tjera fluturime riatdhesimi vullnetare apo të detyruara, priten në javët që pasojnë, nga Policia Kufitare, në bashkëpunim me FRONTEX-in dhe vendet e destinacionit.
Vetëm në këto dy muaj janë kryer 156 operacione riatdhesimi, në bashkëpunim me FRONTEX-in dhe vendet e destinacionit, ku janë riatdhesuar 1 044 shtetas.
