Babai i Mayweather: Floyd mendon çdo ditë për kafazin, do ti sillte shumë para

Revanshi në kafaz mes Conor McGregor dhe Floyd Mayëeather, është mohuar nga të dyja palët, por është babai i boksierit që i “hedh benzinë zjarrit”. Protagonistët e duelit që solli fitime të çmendura në 26 gusht, mund të organizojnë edhe një përballje tjetër, por këtë herë në kafaz dhe të ardhurat që do të vijnë do të jenë shumë më të mëdha. Përmes një deklarate publike Floyd Mayweather Sr., është shprehur se djali i tij është duke e menduar shumë një revansh.

“Floyd është i ri, ka ende shumë vite përpara dhe e di që ai e mendon shpesh një sfidë të tillë, që mund t’i japë shumë parà. Unë dua që ai t’i ketë të gjithë paratë e botës, por ajo sfidë në kafaz mund t’i japë edhe më shumë famë, shumë të tjera të ardhura”, u shpreh babai i boksierit Floyd Mayweather, duke deklaruar se gjithçka mund të ndodhë në të ardhmen mes dy sportistëve.