Prej disa ditësh në media ka qarkulluar një lajm për aktorin e njohur të humorit dhe drejtuesin e spektaklit, “Al Pazar” pas bamirësive të bëra në qytetin e Memaliajt.
Ndërsa media dhe portale kanë shkruar në lidhje më këtë, por titujt që shoqëronin lajmin e kanë mërzitur aktorin Agron Llakaj, pasi sipas tij, lajmet u shoqëruan me tituj sensacional. Përmes një postimi në rrjetin social Facebook, Llakaj shprehet se ndjehet keq nga titujt e mediave për aktivitetin e tij. Ai shton se pasuria e tij e vetme është humori, ndërsa sipas mundësive ka ndihmuar njerëzit në nevojë.
Llakaj shkon më tej duke thënë se nuk është si kryeministri Rama që vishet si babagjysh, por në mos i aftë për t’u ndryshuar fatin, ai shprehet se di të bëjë një gjë tjetër, e cila është pasurimi i shpirtit.
”Sa here kam patur mundësi jam munduar të jem pranë njerëzve të mi, së pari me shpirt dhe i gjallë si artist dhe qytetar, e nëse i paaftë për t’ju ndryshuar fatin…i aftë për t’ju pasuruar shpirtin. Unë s’jam as Edi Rama…të vishem si babagjysh a s’di dhe si me ‘magji’ t’ju laj borxhet apo t’ju zgjidh hallet memaljotëve. Mos na e vidhni këtë ‘zanat’, humorin…,pak na ka hyre në pjesë politika…, ju lutem të paktën jo gazetarët?!”,- shkruan Agron Llakaj.
Postimi i Agron Llakaj
Ka momente kur njeriut i vjen turp për diçka që në dukje e ngre dhe e vlerëson! Prej disa ditësh në disa portale jepet një gjoja intervistë e imja me titull- ‘Agron Llakaj është në hall se lan ‘borxhet’ e Memaliajt’!
Më skuq dhe bënë me turp! Kam një jetë në skenë dhe asnjëherë s’kam patur mundësinë dhe fuqinë për tu quajtur ‘i pasur’ dhe do e kisha për nder të ndihmoja dhe t’ju gjendesha njerëzve në nevojë. Sa hërë kam patur mundësi jam munduar të jem pranë njerëzve të mi, së pari me shpirt dhe i gjallë si artist dhe qytetar, e nëse i paaftë për t’ju ndryshuar fatin…i aftë për t’ju pasuruar shpirtin.
Unë s’jam as Edi Rama…të vishem si babagjysh a s’di dhe si me ‘magji’ t’ju laj borxhet apo t’ju zgjidh hallet memaljoteve. Mos na e vidhni këtë ‘zanat’, humorin…,pak na ka hyre në pjesë politika…,ju lutem të paktën jo gazetaret?! Mos u bëni siç thotë udhëheqësi ynë i Madh-Kazan?! Megjithatë po përdor një shprehje-Merreni me të qetë, kështu ka qene, është dhe do të jetë! Pazar Pazar, Pazar…, Pazar shqiptar! Zulluland! P.S…,nuk do e konsideroja këtë titull lajm, por heshtja ime do merrej si miratim. Dhe hajt të qeshim, ne datë 3 shkurt rifillon “Al Pazar”, pasuria’ ime qe e ndaj me te gjithe e se pari me memaljotët!”.
