Anëtarja e Këshillit Kombëtar të PD, Edith Harxhi ka shprehur mendimin e saj në lidhje me protestën e opozitës, ku ka kritikuar ashpër kreun demokrat Lulzim Bashën.
Për Harxhin, tubimi i qytetarëve tregoi se janë gati për sjellë një realitet tjetër në Shqipëri, por ndërkohë theksoi se opozita dhe konkretisht PD-ja nuk ka një lider të mirëfilltë.
Teksa shkruan në Twitter, ajo shprehet se PD i zhgënjeu sërish qytetarët, të cilët janë gati për aksion, por sipas saj, qeveria nuk rrëzohet me protesta pacisfiste si në Finlandë.
“Protesta e sotme masive tregoi se populli eshte gati per aksion por kerkon nje lider! Ne i zhgenjyem perseri. Qeveria nuk rrezohet me protesta pacifiste si ne Finlande! Duhet te ngrihemi kunder establishmentit!”- shkruan Harxhi.
