Një i shpallur në kërkim ndërkombëtar është vënë në pranga nga policia në qytetin e Durrësit. Sipas policisë, personi i arrestuar është Omar(Moris) Kadiu, 33 vjeç banues në Durrës, ndërsa ai ishte në kërkim për marrëdhënie seksuale me të mitur në shtetin e Italisë.
Shtetasi kadiu është dënuar nga Gjykata e Bergamos me 12 vite burg, ndërsa pritet që në ditët në vijim, 33-vjeçari të ekstradohet për llogari të autoriteteve italiane. Materialet në lidhje me të arrestuarin i kanë kaluar Prokurorisë së Rrethit Gjyqësor Durrës për të kryer veprime të mëtejshme, të parashikuara sipas kodeve dhe rregullores.
Pas dokumentimit, pritet që autoritetet shqiptare të bëjnë ekstradimin drejt Italisë për të vuajtur dënimin e dhënë nga Gjykata e Bergamos.
