Rreth mesnatës që lamë pas në zonën e Atikës në Athinë, tre shqiptarë janë arratisur nga qelia e tyre e paraburgimit. Sipas mediave greke, njëri prej shqiptarëve është i akuzuar për vrasje kurse dy të tjerët për trafik droge, shkruan newpost.gr.
Së bashku me tre shqiptarët, tentoi të arratisej edhe një gjeorgjian i cili ndodhej gjithashtu në qelitë e paraburgimit. Por, tentativa e tij dështoi dhe u arrestua në oborr nga rojet e burgut.
Autoritetet greke thonë se tre shqiptarët kishin sharruar shufrat e hekurit të qelisë që ndodhej në katin e dytë, në anën e pasme të godinës. Më pas u larguan në drejtim të panjohur, por nuk dihet ende se si kanë mundur të largohen pa u vënë re nga gardianët.
Informacionet nga shtypi grek thonë se tre shqiptarët dhe gjeorgjiani po mbaheshin në një dhomë gati për t’u transferuar në Gjykatë. Arratisja rezultoi e suksesshme për tre shqiptarët, por jo për gjeorgjianin i cili u kap në kohë, i cili akuzohet për trafik droge. vrasje.
Ndërkohë policia ka nisur kontroll masiv në të gjithë zonën përreth burgut për të kërkuar gjurmë të shqiptarëve të arratisur. Për momentin emrat e tyre nuk janë bërë publik.
