Dihet lidhja që presidenti Meta ka me partinë të cilën ai udhëhoqi për disa vite, pikërisht me LSI-në.
Sigurisht, me zgjedhjen e tij president, ai u distancua, ashtu siç edhe duhet të jetë, por së fundmi është LSI-ja ajo që po nxjerr në pah “meritat e Metës”.
Nëse para pak ditësh Kryemadhi e kritikoi publikisht Metën si një nga fajtorët që lejoi qeverisjen e Ramës, tashmë LSI-ja po e pozicionon krah vetes presidentin Meta.
Në një postim në Facebook, Petrit Vasili shkruan se kryeministri Rama po mashtron lidhur me reformën në drejtësi dhe zgjedhjen e kryeprokurores vetëm me votat e shumicës, ndërsa shton se pasi Meta e detyroi të votonte reformën, Rama sot deklaron se e ka dashur shumë reformën.
Edhe para pak ditësh, Vasili i doli publikisht kundër Manjanit, teksa mbrojti Metën lidhur me letrën e dërguar presidentit Trump për votën e Shqipërisë në OKB.
Statusi i Vasilit
Manine e genjeshtres se kryeministrit s’e sheron dot as mjekesia me koncesione.
Ne 21-22 korrik nga 140 votat e reformes ne drejtesi kishte tmerr vetem kryeministri, kete e di i madh e i vogel.
Kryeministri pergaditi ne ate kohe edhe pazarin e gjësë se gjallë per te blere votat per reformen, ashtu sic ben sot qe e zgjedh e kap kryeprokurorin me 69 vota me pak se cdo minister.
Pazarin e gjese gjalle e zhbëri Ilir Meta dhe LSI,kryeministrit ja mbërthyen flegrat e hundes,perfundoi si qen i rrahur lagjeje dhe votoi pa llafe si qingj bashke me tjeret,me 140 vota.
Sot ky qen i rrahur genjen e thote qe medemek ky e paska dashur shume reformen.
Por gungen e gungacit dhe semundjen e genjeshtres se kryeministrit s’ka mjekesi qe e sheron qofte kjo edhe me koncesione.
