Kreu i Grupit Parlamentar të LSI, Petrit Vasili, ka reaguar sërish në lidhje me votën e Shqipërisë në OBK. Me anë të një statusi në rrjetin social “Facebook”, Vasili thotë se është shumë e qartë dhe nuk do as përkthyes dhe kallauz.
“Po ky Kryeministri i leqendisur, që ka taposur gojën dhe nuk flet dot, kaq të madh e paska hallin që ja paska dhënë gojën me qira ca e ca kallauzëve. Po ç’mund të flasë kryeministri, turpi antiamerikan që duket sheshit nuk do as kallauz as përkthyes”, shkruan ndër të tjera Vasili.
Shqipëria votoi pro rezolutes së OKB-së që e ndalon presidentin Trump të shpallte Jerusalemin si kryeqytet të Izraelit. Për këtë veprim të qeverisë ka pas shumë kundërshtime nga opozita si nga PD dhe LSI. Edhe presidenti Ilir Meta ka dënuar veprimin e qeverisë duke i dërguar një letër ndjese Trump.
Postim i plotë i Petrit Vasilit
Vota antiamerikane e qeverisë në OKB nuk do as kallauz as përkthyes.
Sufleret e qeverise u shqyen qe te perkthejne ate, qe tha shume qarte Trumpi per ata qe do votonin kunder Amerikes ne OKB.
Po ky Kryeministri i leqendisur, qe ka taposur gojen dhe nuk flet dot, kaq te madh e paska hallin qe ja paska dhene gojen me qira ca e ca kallauzeve.
Po ç’mund te flase kryeministri, turpi antiamerikan qe duket sheshit nuk do as kallauz as perkthyes.
Presidenti amerikan Donald Trump, përpara votimit në OKB deklaroi se “ata marrin miliona dhe miliarda dollarë dhe pastaj votojnë kundër nesh. Por le ta bëjnë, ne do të kursejmë shumë para. As që duam t’ia dimë”.
Kjo deklarate s’ka nevoje per perkthyes te lodhur te qeverise.
Pas votimit, ambasadorja e SHBA në Organizatën e Kombeve të Bashkuara, Nikki Haley tha se “Amerika do ta vendosë ambasadën në Jeruzalem. Asnjë votë në Kombet e Bashkuara nuk mund ta ndryshojë këtë. Por kjo votë do të bëjë një ndryshim sesi amerikanët e shohin OKB-në, dhe sesi ne i shohim vendet që nuk na respektojnë”.
A ka turp kjo qeveri dhe ky kryeministër?
