Ish-ylli i Arsenalit, Emmanuel Eboue, pak ditë më parë deklaroi se gjendja e tij ekonomike ishte e mjerueshme dhe se kishte menduar disa herë të kryej vetëvrasje. Reagimi i parë për ti dalë në krah Eboue e ka dhënë klubi i Galatasaray, ku trajneri Fetih Terim pasi ka lexuar deklaratën shkokuese për rënien tragjike të tij, kishte vendosur që ta ndihmonte dhe yti jepte një rol në ekip si trajner.
Eboue i tha “Daily Mirror” se si ai humbi gjithçka pas divorcit me gruan e tij dhe se ishte gati t’i jepte fund jetës. Sipas “CNN”, ish-mbrojtësit të Bregut të Fildishtë i është ofruar puna e asistentit në ekipin U-14 në klubin turk.
Terim foli për “CNN” në lidhje me këtë çështje, duke thënë: “Ne dëgjuam lajmet për Eboue në dhomën e veshjes, unë u informova atje. Ne do të bëjmë gjithçka që mundemi për të ndihmuar mikun tonë.”
Eboue, tani 34 vjeçare, foli për vlerësimin e tij për ish-trajnerin e tij në Stamboll. Ai tha: “Do të doja shumë të rikthehesha te Galatasaray dhe Fatih Terim është si nj baba për mua, e dua shumë, bëj gjithçka për të, sepse e dua shumë”. Galatasaray ka nisur një fushatë që ndihmon ish-lojtarët me probleme, me legjendat e klubit si: Hasan Sas dhe Necati Atas.
