Tkurrja nga autoritetet kineze për eksportin e kapitaleve jashtë vendit dhe investimeve në shoqëritë futbollistike mund të ndikoje dhe jo pak strategjinë e Suning tek Interi. Kjo gjë behet me dije në një dokument zyrtar te klubit zikaltër, një akt qe ilustron të gjitha rreziqet e parashtruara nga autoritetet në Pekin dhe që është vënë në dispozicion të personave që kanë investuar tek bondi prej 300 milionësh i Interit i pak ditëve më parë. Ky dokument sillet në mënyrë të plotë nga Calcio e Finanza (të cilin mund ta lexoni këtu),raporton Tirana Today.
Në mënyrë të përmbledhur, në atë dokument thuhet që:
“Politika dhe rregullat e qeverisë kineze, ndryshimet e bëra për sa i përket investimeve jashtë dhe valutës së huaj si dhe kushtet politike dhe ekonomike në Kinë mund të limitojnë sasinë e investimeve të Suning tek Interi. Qeveria kineze kohët e fundit e ka klasifikuar investimin tek skuadrat sportive si “investime të limituara”. Interi varet direkt nga kontributet e kapitaleve të Suning dhe limitime eventuale të kapacitetit të Suning për të investuar mund të ndikojnë negativisht në rezultatet e operacioneve të Interit.
Këto kufizime mund të influencojnë negativisht edhe në kapacitetin tonë për te thithur shuma nga kontrata sponsorizimi apo kontrata të tjera me palë të treta në Kinë. Interi varet nga kontributet e kapitalit të Suning edhe për sa i përket likujditetit të nevojshëm të menaxhimit të përditshëm si dhe për të mbajtur nivelet minimale të kapitalit të kërkuar nga ligji italian. Qeveria kineze ka ndërmarrë ndryshime të thella në politikat e saj dhe rregullat, sidomos për ato që kanë lidhje me kontrollin e kapitalit. Duke qënë se Suning është nje kompani kineze, me pjesën më të madhe të aktiviteteve të saj në Kinë, kapaciteti i saj për te investuar jashtë Kinës mund të ndikohet negativisht nga këto kontrolle.
Në përgjigje të rregullave mos lejimit të daljes së kapitaleve nga Kina, PBOC dhe SAFE kanë implementuar një seri kontrollesh për kapitalet në muajt e fundit, duke përfshirë kontrolle tepër të ashpra për kompanitë kombëtare kineze që transferojnë kapital jashtë si dhe mënyrën e pagesës së dividendëve. Edhe qeveria kineze ka treguar shumë interes për rregullat e aktiviteteve tregtare të investuesve në skuadrat sportive, sidomos tek ato të huaja, dhe për këtë ka përpiluar një guidë për investimet e kompanive kineze tek skuadrat e huaja në 18 gusht 2017. Në këtë guidë investimet me jashtë në sport janë klasifikuar si “investime të limituara”.
Në përgjithësi, “investimet e limituara” kërkojnë prezantimin ose aprovimin nga komisioni i zhvillimit kombëtar (National Development and Reform Commission) dhe të Ministrisë së Tregtisë. Ndërkohë disa “investime të limituara” (si për shembull, investimet në sektorin sportiv) më përpara kërkonin thjesht të bëhej një njoftim ndërsa që prej Guidës se Gushtit 2017, investime të tilla tashmë kërkojnë aprovim më parë.
Nëse këto rregulla do të sillnin më vonë ligje të reja apo rregulla për pronarët e aktiviteteve sportive me jashtë apo nëse PBOC ose SAFE do të implementojnë kontrolle të tjera për sa i përket kapitaleve, Suning mund të ndalohet potencialisht që të bëjë investime të tjera si dhe do të shtyhet që të tkurrë financimin e Interit ose në një skenar akoma më të keq, ta shesë Interin.
Ndërkohë, ndërsa ne po rrisim volumin e marrëveshjeve dhe sponsorizimin e të drejtave të mediave me palë të treta në Kinë, mund të gjejmë vështirësi për të marrë pagesat që duhet të marim për faktin e rregullave që ndalojnë valutën e huaj në Kinë. Për shembull, duke nisur nga 30 shtatori 2017, 25 milionët e eurove që kanë qenë të përfshira në bilancin e mbyllur në 30 qershor 2017 për sa i përket Naming Rights and Sponsorshop Agreement nuk janë paguar ende për shkak te kësaj.
Ndërkohë, 12,3 milionë euro dhe 7,5 milionë euro fitimet që ka regjistruar Interi respektivisht në bilancin e mbyllur me 30 qershor 2017 dhe tre muajt e parë pas saj deri më 30 shtator 2017, për sa i përket sponsorizimit nga Beijing Yixinshijie nuk janë paguar ende për shkak të kontrolleve të kapitalit si dhe valutës së huaj në Kinë. Ndërkohë Interi kërkon një impenjim financiar nga ana e Suning për të certifikuar vazhdimësinë e shoqërisë dhe burimet financiare të kontratave. Pa një letër suporti nga Suning apo injektime të tjera kapitali apo huazime nga ana e aksionarëve, vazhdimësia e shoqërisë në nivelet e larta mund të jetë në rrezik.” TIRANA TODAY
