Shqipëria votoi kundër vendimit të Donald Trump, për njohjen e Jerusalemit si kryeqytet i Izraelit. Edhe më parë Shqipëria kishte deklaruar se ne do të jemi të pozicionuar në anët e Bashkimi të Evropian, ndërsa vendimi i Trump u hodh poshtë sot në votim.
Shqipëria ishte pjesë e 128 shteteve të cilat i tha “jo” kryeqytetit të Izraelit, Jerusalemit. Presidenti Trump, ka kërcënuar me sanksione financiare për vendeve që nuk i janë bashkuar “propozimit” të tij.
Ndërsa reagimet politike në Shqipëri kanë qenë të ashpra për këtë qëndrim, ku Tritan Shehu tha se vota kundër SHBA-ve, është një votë në kundërshtim me interesat e vendit tonë.
Qëndrimi i Tritan Shehu për votën kundër SHBA-së në OKB
“Nuk është rasti i parë që Shqipëria ka probleme në politikën e jashtme duke bërë hapa të gabuara. Keto veprime na bëjnë që të largohemi nga aleatët tonë kryesore. Na larguan nga SHBA-të që janë aleati kryesor. Orientimet e gabuara na largojnë nga aleatët. Interesat e vendit tonë shkojnë në përputhje me ato të shteteve të bashkuara të Amerikës”-tha Shehu
“Mendova se do të kishte një reflektim në politikën e jashtme, reflektimi nuk erdhi dhe na çoj në një rrugë të gabuar. Hapat e gabuar në politikë kanë gjithmonë pasoja. Hapat e gabuar ose thellojnë miqësitë ose prishin miqësitë. Në vend që të forcojmë marrëdhëniet me SHBA-të ne i largohemi marrëdhënieve më këtë aleat. Nuk mund të hëdhim hapa falso dhe kaq të gabuar”-shtoi ai.
Vota e Shqipërisë kundër SHBA-së mund të krijojë pasoja për shqiptarët që jetojnë brenda dhe jashtë vendit. Presidenti i ShBA-së, kohë më parë theksoi se njohja e Jerusalemit si kryeqytet i Izraelit duhet konsideruar si një hap i madh drejt paqes në rajonin e Lindjes së Mesme. Ndërsa sot, në organizatën e Kombeve të Bashkuara është hedhur poshtë vendimi i Trump, ndërsa pro tij kanë qenë 9 vende, 128 kundër dhe 35 abstenime.
Qëndrimi i Berishës për Jerusalemin
Ditë më parë Berisha ka paralajmëruar se vota e Shqipërisë në OKB, do të jetë kundër SHBA-ve, por sipas rij kjo qasje është antikombëtare dhe cënon marrëdfhëniet me aleatin kryesor të Shqipërisë.
“Në OKB do votohet një rezolute anti-amerikane! Vota ne OKB për dënimin e vendimit të Presidentit Trump për Jerusalemin, është votë kundër interesit kombëtar të shqiptarëve“-shkruan Berisha në Facebook.
Qëndrimi i Vasilit për votën e Shqipërisë kundër SHBA-së në OKB
Petrit Vasili ka reaguar në lidhje me votimin e sotëm të Shqipërisë në OKB, votë e cila shkoi kundër vendimit të Amerikës. Ai tha se vota e OKB-së është një provë e qartë e një qeverie, që e konsideron Shqipërinë pronë të sajën.
Vasili rikujtoi edhe njëherë së falë Amerikës, sot kemi Kosovën e lirë dhe të pavarur, ndryshe pa SHBA, kjo nuk do të ishte arritur asnjëherë. Propozimet e SHBA-së si aleatja kryesore e Shqipërisë, vota është një pronë e përbashëët e të gjithë qytetarëve dhe jo vetëm e kësaj qeverie.
“Kur eshte fjala per nje propozim qe ben Amerika aleati me i cmuar dhe i pazevendesueshem i Shqiperise kurre vendimi s’mund te jete prone vetem e qeverive shqiptare cilado qofshin,pasi ky vendim eshte prone e Shqiperise dhe shqiptareve kudo qe ata ndodhen dhe duhej konsultuar gjeresisht me ta dhe me SHBA-ne vete”-shkruan ai.
