Ashtu siç ishte paralajmëruar, protestuesit po tentojnë të hyjnë në parlament. Pas fjalës së Kryemadhit dhe Luan Ramës, protestuesit janë përplasur me Gardën që ndodhet jashtë parlamentit, teksa po i shtyjnë këta të fundit në përpjekje për të hyrë brenda Kuvendit për të mos lejuar votimin e Prokurorit të Përgjithshëm të përkohshëm.
Një zonjë është lënduar, ndërsa deputetja Floida Kërpaçi është gjakosur teksa tentonte të ndihmonte atë. Kërpaçi foli para mediave, duke treguar lëndimin që kishte pësuar në dorë, ndërsa akuzoi policinë se ajo “nuk është policia e shtetit, por policia e krimit”.
“U afrova pranë një zonje për ta ndihmuar, por ja si më lëndoi policia e krimit. Kjo nuk është policia e shtetit, por policia e krimit. Turp!”, tha ndër të tjera Kërpaçi.
