Tetë persona janë burgosur në total me 44 vjet, pasi ata ishin anëtarë të një bande e cila furnizonte me kokainë jug-perëndimin e Londrës. Grupi i krimit të organizuar udhëhiqej nga shqiptari, Lulëzim Zefi, 36 vjeç, i cili qëndronte në Turnpike Lane, Uxbridge, dhe përdorën korrierë profesionistë për të transportuar dhe shpërndarë drogë, shkruan getwestlondon.co.uk.
Katër prej korrierëve të tij, u arrestuan pasi po shkëmbenin një sasi prej 9 kg kokainë në një park të Brentford më 27 prill. Zyrtarët nga NCA dhe policia e Metropolitan ndaluan Admir Simeqi, 41 vjeç, me vendbanim në Ashton Road, Bristol, i cili po i dorëzonte 3 kg kokainë Gergi Marku, 25 vjeç, që qëndronte në Xhennete Wadham, Primrose Hill.
Simeqi, po udhëtonte me makinën e tij, kur i ka dërguar dhe 2 kg kokainë tek Admir Bici, 26 vjeç dhe Ramadan Doçi, 26 vjeç. Këta dy të fundit nuk kishin adresa fikse dhe u arrestuan pak pasi morën lëndën narkotike.
Pastaj, 4 kg kokainë u gjetën në makinën e Semeqi, të fshehura në një pajisje hidraulike. Sasia e përgjithshme e kokainës së konfiskuar mund të arrinte vlerën e 720,000 euro. Por, kreu i grupit Zefi u kap kur u takua me Valon Bajgora, 34 vjeç, nga Mortimer Cresent, Kilburn dhe Valentin Malocaj, 36 vjeç, nga Avenue, Colindale, dhe të gjithë u arrestuan.
Banda ishte nën vëzhgim nga Partneriteti i Krimit të Organizuar të Policisë Metropolitane, i cili më parë e kishte parë Zefin ti jepte 153,000 funte Kamel Safieddine. Safieddine, 46 vjeç, nga Capland Street, Marylebone u arrestua menjëherë pas shkëmbimit. Kur kërkonin pronat në pronësi të anëtarëve të bandës, oficerët zbuluan një sasi prej 110,000 funta para të gatshme.
Të premten e kaluar (1 dhjetor), tetë anëtarët e bandës u dënuan në Kingston Crown Court.
Kreu i bandës Lulëzim Zefi u dënua me 12 vjet burg;
Valentin Malocaj u dënua me 2 vjet e 8 muaj;
Valon Bajgora u dënua me 2 vjet e 8 muaj;
Gergi Marku me 6 vjet burg;
Ramadan Doçi me 6 vjet burg;
Admir Simeqi iu dha 6 vjet e 9 muaj;
Admir Bici u dënua me 1 vit e 9 muaj;
Kamel Safieddine u dënua me 1 vit e 9 muaj;
