Në momentin kur partitë politike nuk reshtin së akuzuari njëra tjetrën për aferat me tenderat, një kompani e huaj nuk e ka problem të tregojë sa ka fituar në Shqipëri. Kompania Csi Piemonte ka filluar të punojë në Shqipëri që nga viti 2006 dhe ka fituar rreth 16 milionë euro me kontrata të fituara përmes tenderëve. Në portalin italian “Lo Spiffero” u publikua lajmi se kompania Csi Piemonte fitoi tenderin 1 milion euro për të digjitalizuar shërbimet publike për qytetarët në Shqipëri.
Mbi një milion euro, kjo është vlera e ofertës së tenderit të fituar nga Csi Piemonte për të digjitalizuar shërbimet publike për qytetarët në Shqipëri. Projekti i financuar nga Programi i Zhvillimit të Kombeve të Bashkuara, synon të mbështesë reformën territoriale dhe administrative që po zhvillohet që nga viti 2014 në Shqipëri. Ky projekt ka zvogëluar numrin e komunave nga 373 sot jemi në vetëm 61 bashki. Kompania Csi Piemonte bashkë me tre kompani shqiptare, do të duhet të zbatojë në 24 muajt e ardhshëm sistemin e informacionit për ofrimin e rreth 40 shërbimeve administrative lokale. Shërbimet do të ofrohen për 51 nga 61 bashki, duke përfshirë dhe njësitë administrative në shërbim të qytetarëvë. Konsorciumi ka filluar të punojë në Shqipëri që nga viti 2006 me rreth 16 milionë euro me kontrata të fituara përmes tenderëve. “Gjatë viteve, CSI ka konsoliduar praninë e saj në Shqipëri, me qëllimin që të veprojë si trajnues dhe dakordësues i sistemit Piemontez, të përfaqësuar nga institucionet kryesore dhe kompanitë e TIK, disa subjekte publike dhe private shqiptare” shpjegon presidenti Claudio Artusi. TIRANA TODAY
