Skënderbeu ka kaluar në avantazh përballë kampionëve në fuqi të Kukësit. Ndeshja që zhvillohet në stadiumin ‘Skënderbe” është në minutën e 37’ nga Taku. Është James që nxjerr një asist perfekt me thembër për Afrim Takun dhe ky i fundit nuk mund të gabonte në atë pozicion të afërt, nga brenda zonës.
Ky është një gol që e kishte kërkuar gjatë gjithë kësaj pjese të parë Skënderbeu, pasi kishte rrezikuar disa herë me Gavazajn dhe Lilajn. Festë në stolin e Skënderbeut, por festë edhe në shkallët e stadiumit, ku janë të pranishëm një numër i madh tifozësh.
