Aksioni për sekuestrimin e dy tonëve hashash në Ravena të Italisë u shoqërua me përplasje me armë mes trafikantëve dhe policisë, e për pasojë mbeti i plagosur shefi i policisë.
Sipas mediave italianë në pranga të policisë kanë rënë dhe tre shtetas shqiptarë respektivisht 21, 27 dhe 53-vjeç, por emrat e tyre nuk behën të ditur.
Një kontrolli i befasishëm ka nxjerrë zbuluar bandën e trafikantëve të drogës, të cilët po transportonin lëndë narkotike me një furgon. Policia i ndali ata, por pasagjerët e fugonin janë hedhur nga mjeti ndërsa ishte në ecje e sipër, dhe ia mbathën me vrap.
Policia ndaloi shoferin dhe brenda mjetit u gjet një sasi prej 2.4 ton marjuanë, 62 kilogram hashash dhe 4 kilogram vaj hashashi. Shoferi i fugonit ishte një 26-vjeçar italian, emër i njohur për policinë italiane dhe pastaj u vunë në kërkim të të arrestuarve të tjerë. Komandanti i Savios, Giorgio Tantimonaco pikasi dy makina të dyshuara, një Alfa dhe një Fiat, në një postbllok tjetër. Në kohën që i ndaloi patrulla, pasagjerët nisen sherrin dhe njeri prej tyre nxori armën.
Tantimonaco arriti ta bllokojë, por ai e shkrepi pistoletën dhe shefi mbeti i plagosur duke marrë një plumb në trup dhe u rrezua. Autori më pas u tha se ishte shqiptar. Ndërkohë që patrulla merrej me shefin e rënë përtokë, dy shqiptarët ia mbathen, fillimisht me makinë e më pas, e braktisën dhe ikën në këmbë. Arratia nuk shkoi gjatë, pasi u pikasen nga veshjet tërë balte, dhe u vunë në pranga.(Tirana Today)
