Skuadra kombëtare ka vijuar ditën e sotme programin e saj me seancën stërvitore në Antalia. Ngarkesë e plotë, por edhe një hapësirë e madhe e kohës stërvitore për ekipin me drejtim të aspektit taktik. Trajneri i ekipit kombëtar Christian Panucci ka vazhduar edhe këtë pasdite me pjesën taktike, duke parë një herë një grup dhe me pas grupin tjetër të ekipit në kombinacionet dhe ushtrimet e ndryshme në fushë, sipas ndarjes së planifikuar.
Migjen Basha edhe pse i dëmtuar u grumbullua nga tekniku italian, pasi besuan në riaftësimin e tij në kohë rekord. Por kjo gjë nuk u arrit nga mesfushori i cili ditën e sotme u detyrua të lejë kombëtaren dhe të kthehet tek ekipi i tij në Seria B, për të vazhduar fazën e rikuperimit. Panucci nuk ka zgjedhur që të ftojë një lojtarë tjetër pas largimit ti Bashës. Konfirmimi vjen nga Federat Shqiptare e Futbollit, që njofton se për shkak se nuk mund të jepte kontributin e tij përballë Turqisë, Basha është larguar nga ekipi pasi nuk arriti të riaftësohet në kohë.
