Nesër pritet të mbërrijë në Tiranë në vizitë zyrtare ministri i Brendshëm i Italisë, Marco Minniti, i shoqëruar nga një delegacion i nivelit të lartë i Ministrisë dhe Policisë italiane.
Vizita e ministrit Minniti pritet me mjaft interes nga media shqiptarë. Megjithëse fokusi kryesor i vizitës është “Raportin përmbyllës së misionit të monitorimit ajror për vitin 2017, në luftën kundër kultivimit të bimëve narkotike”, ndërmjet Policisë së Shtetit, Policisë italiane dhe Misionit të BE-së, mediat kanë interes se çfarë do të thotë për ish-ministrin e Brendshëm shqiptar, Saimir Tahiri si të përfshirë në trafikun ndërkombëtar të drogës.
Sigurisht ministri italian ka shumë më tepër informacion e ai që ka dalë në mediat italiane dhe shqiptare, por mbetet shumë e pakët mundësia që ai ta ndajë informacionin me median shqiptare.
Mitini pritet të ketë një takim me homologun e tij shqiptar Fatmir Xhafaj që do të zhvillohet në ambientet e Ministrisë së Brendshme.
Vizita e radhës e ministrit Italian do të jetë në presidencë ku do të takohet me presidentin Ilir Meta i cili mban dhe detyrën e kryetarit të sigurisë kombëtare.
Në orën 11:30 Mitini do të marrë pjesë në konferenca përmbyllëse e “Misionit të monitorimit ajror 2017 në luftën anti-kanabis” i cili do të mbahet në Pallatin i Kongreseve.
Sot në Report TV është publikuar lajmi se “kontrollet ajrore u shtrinë në një sipërfaqe me të gjerë në krahasim me monitorimet e bëra një vit më parë dhe zgjatën disa javë me shumë. Monitorimi i fundit nga ajri u krye në fillim të muajit tetor dhe sipas të dhënave të Guardia di Finanzas u konstatuan vetëm pak hektarë tokë të mbjella me kanabis, konkretisht rreth 1 për qind e sipërfaqes me kanabis që u konstatua një vit më parë.
Në total avionë kanë zbuluar me pak se 60 mijë bimë kanabis, ndërsa gjatë vitit të kaluar u evidentuan 2.5 milionë rrënjë kanabis. Ne total 60 mijë bimët e fotografuar këtij viti nga Guardia di Finanza garantojnë një prodhim deri në 300 kuintalë kanabis, në krahasim me 12 ton kanabis që u zbulua nga ajri gjatë 2016-es.”
