Kryeministri Rama është pyetur në emisionin “Zonë e Lirë” për çështjen e bombës së vendosur te farmacia e babit të Tahirit.
Sipas kryeministrit, ai i ka ofruar mbështetjen e tij Tahirit, ndërsa tha se ky i fundit nuk i ka kërkuar asgjë.
I pyetur nëse e ka peshuar problemin e të atit të Tahirit kur e bëri atë ministër të Brendshëm, kryeministri tha se nuk e ka bërë një gjë të tillë pasi nuk mundet të mbajë përgjegjësi i biri burrë për të atin dhe as anasjelltas.
-A e peshuat problemin e të atit të Tahirit kur e bëtë ministër?
-Populli thotë çdo berr varet nga këmbët e veta. Nuk bën vaki që babai të mbajë përgjegjësi për djalin burrë ose anasjelltas. Edhe sikur të ishte dënuar i ati, s’do ndryshoja qëndrim për Tahirin
Saimiri ishte një nga halat më të mprehta të Saliut. Vlerësimi im është për personin konkret dhe jo për çfarë bën babai, apo vëllai.
Kush mund të thotë se është skuth, nuk e njeh.
