Vasilika Hysi ka kërkuar nga prokurorët provat që implikojnë ish-ministrin Tahiri në trafikun e drogës.
Teksa i është përgjigjur pyetjes së Hysit, prokurorja Imeraj ka thënë se Tahiri është kthyer nga Greqia me automjetin që ia shiti Habilajt, i shoqëruar nga ky i fundit.
Megjithatë pala e Partisë Socialiste vijon të këmbëngulë për prova të tjera, duke ironizuar se prokuroria ka kërkuar arrestimin e Tahirit nga lajmet e publikuara në mediet italiane.
Imeraj: Tahiri pas shitjes së mjetit të tij më 5/11/2013, rezulton se ka udhëtuar edhe 4 herë me të njëjtin mjet.
Artan Habilaj ka lëvizur me targa AA 003 GB, pra rezultojnë të pasqyruara hyrjet dhe daljet nga territori i Shqipërisë për mjetin në fjalë.
Artan Habilaj ka hyrë në Greqi, ndërsa në kthim është shoqëruar nga Tahiri, prej të cilit kishte blerë automjetin e tij, me të cilin janë kthyer nga Greqia.
Hajdarmataj: Në 3 nga udhëtimet pasqyrohet se ka udhëtuar Tahiri. Në një nga udhëtimet A.Habilaj në kthim kthehet me automjetin e Habilajt, me automjetin dikur në pronësi të Tahirit.
Hysi: Moisi Habilaj dheTahiri kanë bërë trafik. Pra, i keni provat. Pse kërkoni autorizim?
Hajdarmataj: Kemi punonjës policie në përgjim dhe nuk e themi dot këtu.
Hysi: S’më interesojnë policët, po flasim për çështjen e ish-ministrit. Unë dua të di provat.
Hajdarmataj: Provat janë ato që thashë, ndërsa provat e tjera nuk kemi mundësi t’i themi.
Hysi: Çfarë kërkoni të gjeni në banesë?
Hajdarmataj: Profesionalisht nuk mund t’i përgjigjem këtu kësaj pyetjeje.
