Qeveria shqiptare ka vendosur në mbledhjen e sotme rritjen me 50% të pagës për anëtarët e Vettingut.
Vendimi vjen pas shumë diskutimeve lidhur me buxhetin dhe numrin e punonjësve të Vettingut, ndërsa lajmin e bëri të ditur ministrja e Drejtësisë, Etilda Gjoni.
Kjo e fundit tha se me rritjen e pagës shtesë dhe me vënien në dispozicion të infrastrukturës institucionet e reja janë gati të fillojnë nga procesi që sot.
FJALA E GJONIT:
Në mbledhjen e sotme Këshilli i Ministrave mori një vendim të rëndësishëm për përcaktimin e pagesës shtesë të të gjithë anëtarëve të institucioneve të rivlerësimit duke i akorduar kështu shumën shtesë në masën 50% të pagesës mujore të përcaktuar në ligj.
Me vënien në dispozicion të godinave dhe infrastrukturës me miratimin e strukturës si dhe me shtesën e pagës, institucionet e reja janë gati të fillojnë nga procesi që sot.
