Mbi 164 mijë shqiptarë rezultojnë të punësuar në administratën publike në vitin 2016. Pra, përafërsisht 1 në 17 shqiptarë punon në shtet.
Por, si përllogaritet punësimi në administratë në varësi të qarqeve?
Sipas një raporti të publikuar nga INSTAT, stafetën e mban Gjirokastra, ku rezulton se 1 në 12 banorë punon në shtet.
Pas Gjirokastrës vjen Tirana, ku 1 në 13 banorë është i punësuar në administratën publike. Megjithatë, Tirana qëndron në krye sepse në kryeqytet është përqendruar pjesë dërrmuese e aparatit të shtetit, kryesisht ai qendror.
Vendin e tretë e zë Dibra, me një raport 1 në 14.
Nga ana tjetër, ka qarqe ku raporti është mjaft i thellë. Kështu, në Fier është i punësuar në shtet 1 në 24 banorë, ndërsa në Elbasan dhe Durrës 1 në 23, pasi këto janë edhe tre qarqet me popullsinë më të madhe pas Tiranës.
Duke mos llogaritur Tiranën si kryeqytet, ku është e logjikshme që të përqendrohet administrata, kemi një disproporcion të madh mes qyteteve për sa i përket punësimit në administratën publike.
