Përplasja me policinë në Elbasan/ Biznesmeni Petrit Çela i drejton letër policisë me 21 pyetje, ja çfarë kërkon të zbulojë

Elbasani u trondit nga një incident i rëndë më datë 19.09.2017 ku një makinë e blinduar goditi makinën e zv.drejtorit të Policisë Elbasanit. Dy ditë më parë në një operacion për ndalimin e personave të përfshirë në ngjarje të drejtuar nga Drejtori i Përgjithshëm i Policizë së Shtetit, Haki Çako u ndaluan 27 persona. Menjëherë pas ngjarjes kishte reagime të ndryshme ku u përfshi edhe politika.

Pronari i mjetit që goditi makinën e policisë së Elbasanit, Petrit Çela ka reaguar disa herë në media për incidentin, fillimisht iu ka kthyer përgjigje Lulzim Bashës dhe Sali Berishës. Këtë herë Çela i ka bërë një letër policisë së Elbasanit kur kërkon që t’i përgjigjëet 21 pyetjeve në lidhje me incidentin 5 ditëve më parë.

Më herët biznesmeni ka deklaruar se “Unë jam pronar i një biznesi privat që në Elbasan njihet si “tregu agro-ushqimor”, një prej investimeve që kanë sjellë vetëm të mira në qytetin tim, kanë sjellë më shumë organizim të shpërndarjes së produkteve bujqësore dhe ushqimore, e kanë bërë qytetin më të pastër, dhe komunitetin më të kënaqur. Përveç këtyre, që unë jam një taksapagues i regullt i shtetit tim dhe në respekt të ligjevet, unë kam arkëtuar në shtet mbi pesë miliard lekë, në një biznes që funksionon prej 25 vjetësh pa nderprerje dhe po me te njejtin emer. Unë nuk kam qenë asnjëherë anëtar i ndonjë partie politike. Dhe një gjë të tillë, z. Basha dhe z. Berisha, më mirë se kushdo e dinë deputet e partisë suaj në zonë. Pra, mjaft më me spekullime, lëreni drejtësinë të veprojë dhe lëreni publikun të gjykojë.”

Letra e Plotë

Disa pyetje që presim të marrim përgjigje nga Policia për incidentin e datës 19.09.2017, ora 20:30.

1. Ishte kontroll rutinë i Policisë apo postobllok?
2. Pse pikërisht kontrolli i makinave në derën e Tregut Agro-ushimor?
3. Çfarë shenje dalluese kishte automjeti tip Golf, në të cilin ishte zv.drejtori i Policise Elbasan dhe a i kishte ndezur fenelinat që disponon?  A kishin ndonjë shenjë dalluese personat që ishin me te, me mbishkrime që vërteton se ishte Policia?
4. Gjatë kontrollit paraprak të Range Rover, a u gjet ndonjë gjë  e  paligjshme dhe a pati kundërshtime nga drejtuesi i makinës?
5. Zv. Drejtori i Policisë Elbasan dhe ata që e shoqëronin, a hipën në makinë dhe u nisën për të shoqëruar Range Rover në Komisariat?
6. Çfarë veprimi bëri makina civile e zv.drejtrit të policisë ku porta u hap dhe Audi u drejtua për të hyrë në Tregun Agro-ushqimor? Sa metra eci indjetro Golfi i zv.dretorit?
7. A ka krijuar incident  Golfi i zv.dretorit me lëvizjen e tij?
8. Çfarë veprimesh bënë punonjësit civil që afërisht ishin mbi 10 persona, kur u hap dera dhe Audi po hynte në treg?
9. A qëlloi zv.drejtori i Policisë Elbasan në drejtim të shoferit të Audit për ta vrarë me pistoletë 9mm dhe sa herë qëlloi?
10. A qëlloi një punonjë policie në krahun e djathtë të autmojetit ti Audi për të vrarë shoferin dhe sa herë qëlloi?
11. Sa kohë qëndroi e hapur dera e tregt që është 6.5 metra e lartë dhe a kishte mundësi Policia të hyne në momentin që Audi hyri brenda? Përse hezitoi?
12. Mundet të na thotë zv.drejtori i Policisë Elbasan, a dha urdhër për të ekzekutuar shoferin e Audit kur u qëllua me kallashnikov 7.62 mm dhe pistoletë 9mm?
13. A mund të na thotë zv.drejtori i Policië kush dha urdhër për të prishur provat dhe për të mbledhur gëzhojat e kallashnikovit?
14. A ka lajmëruar Policia pronarin e tregut të vinte për incidentin që ka ndodhur te dera e tregut , apo dhe të hapte derën?
15. A ka pasur Policia vendim gjykate për kontroll brenda ambjenteve private të tregut Agro-ushqimor dhe si ka vepruar?
16. Sa zgjati kontrolli në treg dhe sa herë u rikontrollua. Çfarë sendi i ndaluar u gjet? Pse zgjati 5 orë dhe sa grupe konrolli vepruan për të njëtën gjë?
17. A kishte policia leje apo vendim gjykate për konroll në banesën private të Petrit Çelës në lagjen 5 maji dhe çfarë u gjet nga kontrolli?
18. Pse zv.drejtori i Policisë Elbasan dhe Shefi i Krimeve të Rënda të Elbasanit erdhën mbas dy ditëve në Tregun Agro-Ushqimor dhe çfarë biseduan me pronarin e tregut?
19. Pse zv.drejtori i Policisë Elbasan ishte i penduar për veprimet e dy ditëve më parë
20. A është ky një sulm personal i zv.drejtorit të Policisë së Elbasanit?
21. Vendi ku është qëlluar mjeti i blinduar, Policia i ka vendosur letër natribani që të mos duket. Përse?
22. A i ka bërë shenjë Policia makinës tip Audi për të ndaluar, në momentin që ajo po vinte drejt tregut?