Kryeministri Edi Rama dhe kreu i Policisë së Shtetit, Haki Çako kanë dhënë paralajmërime të forta sot për goditje të çdo rasti kriminal të trafikimit të drogës. Menjëherë pas këtyre paralajmërimeve policia ka ‘zbarkuar’ në Novolesë të Vlorës.
Gent Mullai, zëdhënësi i Policisë së Shtetit deklaroi se aktualisht Policia Kufitare, Delta Forcë e Drejtorisë Vendore në Policisë Vlorë po ndërmerr një aksion antikanabis në pyllin e Dëllënjës në Njësinë Administrative Novoselë Vlorë. Prej kohësh aksioni policor është shtrirë në mbarë vendin, ndërsa janë asgjësuar dhe sekuestruar sasi të mëdha droge.
Ndërkohë që ditën e sotme kreu i qeverisë dhe ai i Policisë së Shtetit deklaruan nga mbledhja e Task Force se nuk do të ketë asnjë kompromis ndaj trafikantëve të drogës.
