Kryetari i Partisë Demokratike, Lulzim Basha, pas akuzave të shumta mbi heshtjen e tij ndaj situatës aktuale politike dhe ekonomike të vendit, ka vendosur të flasë. Përmes një postimi në profilin e tij në Facebook, Basha vë në dukje se kryeministri Rama është duke u fuqizuar përmes parave të drogës. Për këtë arsye, Basha i bën thirrje gjithë shoqërisë për të ndaluar Ramën dhe politikanët e inkriminuar, të cilët sipas kryedemokratit po mbajnë peng vendin.
Duke iu referuar deklaratës së shefit të Antimafias Italiane Franko Roberti, se mafia italiane furnizohet me drogën që dërgohet nga Shqipëria, Basha vë në dukje se kjo është një kambanë alarmi për të gjithë. Ndaj sipas tij, kërkohet një reagim masiv ndaj këtij fenomeni.
