Presidenti i Republikës së Turqisë, Recep T. Erdogan, në intervistën e dhënë për France 24, në lidhje me çështjen e mbylljes ose jo të bazës ushtarake në Katar tha: “Ne nuk do të bëjmë një gjë të tillë, për aq kohë sa Katari nuk e dëshiron. Në një kohë kur në Siri dhe Irak ka një krizë serioze, nuk do dëshironim shpërthimin e një krize të tillë edhe mes vendeve të Gadishullit Arabik. Në të gjithë deklaratat e mia e kam shprehur qartë atë që kërkojmë nga mbreti i Arabisë Saudite, si më i madhi nga pikëpamja ekonomike, por edhe për nga mosha, të mos lejojë daljen e një krize mes vendeve të Gjirit dhe këtë e kemi kërkuar gjithmonë. Ndërsa për sa i përket sanksioneve, këto janë sanksione që Katarin e përjashtojnë nga të qenurit shtet. Ndërkohë që Katari është një shtet“.
Erdogan është pyetur nëse Turqia do ta tërhiqte bazën ushtarake nëse Katari do të bënte një kërkesë të tillë për hir të zgjidhjes së krizës: “Nëse vjen një kërkesë e tillë nga Katari, atëherë ne natyrisht që nuk mund të jemi në një vend ku nuk dëshirohemi. Por ajo që mua më shqetëson është se pse këto vendet firmosë se të sanksioneve nuk kërkojnë diçka të tillë edhe për CENTCOM-in? Në Katar kanë bazë ushtarak edhe SHBA, edhe Franca. Pse nuk dëshirojnë diçka të tillë edhe për këto vendet, por e kërkojnë vetëm për Turqinë. Ne jemi dhe do t’i ngelemi besnike deri në fund marrëveshjes sonë me Katarin”, u shpreh Presidenti Erdogan.
Pyetjes “Pas takimeve me liderët rajonalë dhe botërorë, a mendoni se mund të ketë zgjidhje në një kohë të shkurtër”, Erdogan i’u përgjigj: “Tashmë as Perëndimi nuk po i mbështet këto qëndrime të shteteve të Gjirit, sigurisht që edhe ne nuk i mbështesim, sepse këto praktika janë të gabuara. Pranimi i Katarit si një shtet terrorist kurrë nuk mund të jetë i mundur. Sepse unë gjatë 15 viteve, gjatë periudhës që kam qenë kryeministër, edhe tani që jam president, Katarin gjithmonë e kam njohur si një shtet i cili lufton kundër terrorizmit. Për shembull, edhe Franca e njeh Katarin si të tillë, pra edhe Franca nuk e pranon që Katari ka mbështetur terrorizmin, sepse marrëdhëniet mes Francës dhe Katarit janë mjaft të mira. Ne kemi zhvilluar një telekonferencë, një takim tre palëshe, Macron, Tamimi dhe unë. Në këtë bisedë e diskutuam këtë çështje në hollësi dhe jemi pajtuar që diçka e tillë nuk ka sesi të jetë e vërtetë,” u shpreh Erdogan.
