Barcelona ka vendosur një shifër jo të vogël, por plot 222 milionë euro për lojtarin brazilian, Neymar.
Kështu, skuadra katalanase ka blinduar talentin, duke e bërë thuajse të paprekshëm për shkak të kufirit të klauzolës, e cila mendohet se do të jetë nga 200 në 222 milionë euro.
Veç kësaj, klubi që do të dojë të marrë brazilianin, duhet të llogarisë edhe pagën e tij. Kështu, Neymar do të pranonte një tjetër ofertë me 30 milionë euro në sezon, ndërsa totali për të gjitha vitet që mund të luajë lojtari do të ishte vërtet një çmenduri.
Klauzola e vendosur nga Barcelona ka tërhequr përkohësisht në pozicion mbrojtës manjatët e naftës që zotërojnë PSG dhe Manchester City, megjithatë nuk përjashtohet mundësia që ata të bëjnë lëvizjen më të shtrenjtë të historisë së futbollit botëror.
