LDK kritikon përfaqësimin e Kosovës në Bruksel në kuadër të dialogut Kosovë-Serbi, me presidentin, Hashim Thaçi.
Në një deklaratë të kësaj partie, theksohet se dialogu i Brukselitduhet të udhëhiqet nga Qeveria e Kosovës e jo nga presidenti.
“LDK thekson se dialogu për normalizimin e marrëdhënieve ndërmjet Republikës së Kosovës dhe Serbisë si dy shtete të pavarura, i ndërmjetësuar nga BE-ja e me praninë e pazëvendësueshme të Shteteve të Bashkuara të Amerikës, duhet të udhëhiqet nga Qeveria e Kosovës që do të dalë nga zgjedhjet e 11 Qershorit”, thuhet në deklaratë.
Pakënaqësitë shkojnë më tej kur LDK shpreh shqetësim për përpjekjet e presidentit të Kosovës për të qenë pjesë e dialogut në Bruksel, me synim të realizimit të interesave të tij personale, e jo shtetërore.
Sakaq zyra e përfaqësueses së lartë në BE. Mogherini ka konfirmuar mbajtjen e raundit të radhës të bisedimeve Kosovë-Serbi, ditën e martë në Bruksel.
