Një milion votat kundër Partisë Demokratike në vitin 2013 dukej se nuk do të përsëriteshin më asnjëherë. Por ndodhi çudia, PS pati një nga rritjet më të mëdha në historinë e saj politike dhe PD-ja mori më pak vota dhe mandate se katër vite më parë . Në qytete si; Vlora, Fieri, Berati, dhe Tirana, socialistët kanë treguar se mund ti kenë bastione të tyret gjithmonë në votime. Por në zgjedhjet e 25 qershorit treguar se veç këtyre qyteteve mbi 50% të votave PS-ja i mori dhe në Korçë. Në këtë bashki PS-ja u rrit nga 44% në 2013, ne 52,1% në 2017. Por pse ndodhi kjo, ndoshta për shkak të Rilindjes Urbane e ka qenë një nga programet prioritare të qeverisjes së Edi Ramës. E shoqëruar me skepticizëm dhe kritika nga shumëkush.
Madje edhe analistë të krahut të qeverisë mendonin se investimet në qendrat e qyteteve, shëtitoret, parqe dhe institucione të kulturës, artit e sportit, ishin të parakohshme në Shqipërinë e mijëra familjeve që e shtyjnë muajin me paratë e ndihmës ekonomike dhe të fshatrave pa rrugë, ujë e kanalizime. Ndërkohë Rama insistonte se transformimi i qyteteve, që fillon nga qendrat e tyre do të prodhojë votë edhe në fshat. Po ta lexosh votën e 25 qershorit nga ky kënd duket se projektet urbane në qytetet kryesore kanë dhënë efekt edhe në fshatrat e Bashkive të reja.
Dhe kjo rritje është përafërsisht e njëjtë si në qytet, ku janë kryer investime të mëdha edhe në fshat ku nuk ka ndodhur ndonjë ndryshim i dukshëm. Vlora, që dukej e paduruar për Lungomaren, reagoi me një votë historike kur e pa të përfunduar. Me sa duket shqiptarët votojnë edhe për pulën mot, jo vetëm për vezën sot.
