Kryetari i ri i Bashkisë së Kavajës, Isa Sakja, menjëherë pas numërimit të votave, ka bërë një deklaratë për mediet ku thotë se Kavaja di si të reagojë, Kavaja di të thotë jo dhe atëherë kur të tjerët tulaten.
Sakja: Edhe sot, pavarësisht rezultatit kombëtar për zgjedhjet në rang kombëtar, Kavaja di të reagojë, Kavaja di të thotë jo dhe atëherë kur të tjerët tulaten. Ne nuk kemi frikë nga askush. Ne e hedhim votën aty ku duam.
Kandidati i PD-së, Isa Sakja arriti të triumfojë në zgjedhjet e pjesshme të zhvilluara për bashkinë e qytetit të Kavajës. Ai fitoi me 31 vota diferencë nga ai i PS-së, Dorjan Murati.
Por Kavaja në zgjedhjet parlamentare votoi ndryshe nga sa thotë Sakja, sepse PS-ja mori 42,68% që korrespondojnë me 10.215 vota dhe PD-ja mori 38,94% që korrespondojnë me 9.321. Diferenca është gati 900 vota, shumë më e madhe se e kandidatit Sakja me kundërshtarin e tij politik Muratin.
