Katër vite kanë kaluar sa hap e mbyll sytë, ndërsa fushatat elektorale sigurisht kanë ndryshuar disi.
Por, ato kanë edhe ngjashmëri mes tyre. Politologu Afrim Krasniqi ka zgjedhur disa pamje nga fushata e 2013-ës, ku sipas tij mungon programi, kontrata dhe shënimet.
E njëjta gjë ka ndodhur edhe në këtë fushatë, ku politikanët kanë ndryshuar zonat elektorale, por janë të njëjtë.
Krasniqi shkruan se të pasurit e sotëm ishi ende të varfër më 2013, ndërsa të pasurit e djeshëm nuk e fshihnin luksin e tyre.
Sot “të varfrit” janë shumë më të pasur, ndërsa askush nuk u kërkon atyre llogari.
“Më 2013 kur të pasurit e sotëm ishin ende të varfër dhe të pasurit e djeshëm nuk e fshihnin luksin e tyre. Kudo, me ca njerëz dhe një kamera TV me vehte. Pa program, pa kontratë, pa shënime. Sepse fjalët që thuhen nuk ka nevojë të shënohen, sepse ndryshe mbahen mend. Thjesht foto, kaq.
Atë kohë premtohej Shqipëria e gjeneratës tjetër, Shqipëria pas Gjermanisë, Shqipëria ku do kishim fatin të jetonim ne dhe fëmijët tanë. Pas 4 vjetësh ku jemi? Nuk ka rëndësi. Askush nuk u kërkon llogari. Ata kanë ndryshuar zonat elektorale dhe janë të njëjtë, por më të pasur se atëherë. Flasin e flasin. Përsëri pa program, pa letër, pa shënime dhe pa kontratë. Sepse nuk duan të lënë shenjë që ishin aty. Ju duhet vota. Kaq. Të tjerat? Pas 4 vitesh…”, shkruan Krasniqi në Facebook.
