Policia e Tiranës ka ndaluar një shtetase, e cila në cilësinë e edukatores së kopshtit, ushtronte dhunë ndaj të miturve.
Ndalimi i saj ka ardhur pas denoncimit nëpërmjet pamjeve filmike, të paraqitura si prova nga shtetaset J. B. dhe M. L., të cilat kanë bërë kallwzim duke pretenduar se më datë 30.05.2017 dhe 31.05.2017, shtetasja D.R, duke kryer detyrën e saj si edukatore pranë një kopshti privat në rrugën “Nikolla Lena”, ka ushtruar dhunë fizike ndaj fëmijëve të tyre të mitur në këtë kopsht.
Në cilësinë e provës materiale janë sekuestruar pamjet filmike të kamerave të sigurisë të këtij kopshti.
Materialet proceduriale i’u kaluan Prokurorisë pranë Gjykatës së Shkallës së Parë Tiranë, për veprën penale “Keqtrajtimi i të miturit”, parashikuar nga Neni 124/b i Kodit Penal.
