Pas shkarkimit të disa zyrtarëve të lartë nga ministrat teknikë, kryesisht të mbështetësve të LSI-së, ka reaguar para pak minutash deputetja Kejdi Mehmetaj.
Kjo e fundit doli në një deklaratë për shtyp, ku akuzoi haptazi marrëveshjen e Ramës dhe Bashës, të cilën e quajti “marrëveshja e errësirës”, ndërsa u bëri thirrje personave të shkarkuar që të mos frikësohen, pasi ata do rikthehen në vendin e punës më 26 qershor.
Gjithashtu, Mehmetaj tha se do të ketë kallëzim penal për Ekonomin, Bardhin, Kertushën dhe Mandijën.
“Në shkelje flagrante të ligjit kanë nisur një fushatë hakmarrje, në vijim të kësaj nuk është përfshirë asnjë nga ministrat e LSI-së.
Për LSI-në është i rëndësishëm zbatimit i ligjit, në denoncojmë publikisht fushatën e hakmarrjes ndërsa të shkarkuarit do të kthehen të gjithë në vendet e punës më 26 qershor. Në emër të LSI-së u bëj thirrje punonjësve të administratës të larguar nga marrëveshja e errësirës, të mos ndjehen të frikësuar.
Oligarkia nuk mund t’i trembë qytetarët shqiptarë, asgjë nuk e ndalon fitoren e LSI-së pasi ajo është partia e fitores”, përfundoi deputetja e LSI-së./ Tirana Today
