Ditën e djeshme u publikua një skandal në emisionin investigativ “STOP”, ku një polic ushtroi dhunë ndaj gazetares së këtij emisioni.
Lidhur me rastin ka reaguar Unioni i Gazetarëve Shqiptarë, i cili dënon dhunën e ushtruar ndaj gazetares, ndërsa shton se kërkon “nga autoritetet e larta të Policisë së Shtetit që përfaqësuesve të tillë me uniformë t’u tregojnë vendin duke i njohur me detyrimin ligjor dhe atë etik”.
Më poshtë reagimi i plotë i UGSH:
Dhuna policore e papranueshme ne cdo rast
Deklarate e UGSH ndaj sjelljes se dhunshme te punonjesit te Policise se Shtetit mbi reporteren e emisionit investigativ “Stop”
Tirane me 26.05.2017
Unioni i Gazetareve Shqitare e konsideron te papranueshme dhunen e ushtruar mbi gazetaren e emisionit investigativ Stop, nga nje punonjes i Policise se Shtetit ne mjedisin hyres te Institutit te Fizikes Berthamore. Sjellja e punonjesit te Policise, komunikimi dhe gjithe sekuenca e dialogut me reporteren flasin qarte per nje demonstrim dhune dhe pengimi ne misionin per komunikim me perfaqesusesit e institucionit.
UGSH shpreh solidaritetin me kolegen kembengulese dhe kerkon nga autoritetet e larta te Policise se Shtetit qe perfaqesuesve te tille me uniforme t’u tregojne vendin duke i njohur me detyrimin ligjor dhe ate etik. Ky rast nxjerr ne pah edhe realitetin e pamundesise per informim te lire prane institucioneve publike ne vend.
UGSH konfirmon mbeshtetjen dhe solidaritetin me kolegen e emisionit Stop.
Zyra e shtypit
Unioni i Gazetareve Shqiptare.
