Kryeministri Edi Rama është përpjekur që të marrë vëmendjen e presidentit amerikan Donald Trump, të cilin vitin e kaluar e cilësoi si “turpi i njerëzimit” nëse do të zgjidhej në krye të Shtëpisë së Bardhë.
Ndërsa përshkonte ambientin e jashtëm të Samitit të NATO-së në Bruksel përkrah kancelares gjermane Angela Merkel, kryeministri shqiptar ka bërë gjithçka për të fituar vëmendjen e presidentit Trump, por pa mundur t’ia dalë dot.
Me buzëqeshjen e tij, përveçse tërheqjes së vëmendjes, dukej sikur donte të shfajësohej mbi deklaratën e bërë në fushatën presidenciale vitin e kaluar në CNN, se “Trump përbën një kërcënim real për demokracinë dhe në marrëdhëniet midis dy vendeve”.
Ai e cilësoi Trumpin si turpin e qytetërimit tonë, ndërsa pas zgjedhjes së tij president, kryeministrit Rama, iu desh të ndiqte një tjetër qasje të retorikës politike kundrejt presidentit të SHBA-ve.
Çastin kur Rama përpiqet të marrë vëmendjen e Trump mund ta shikoni në 01:02:34
https://www.youtube.com/watch?v=n3c5O9nZgXU
