Kryetari i Partisë Social Demokrate, Skënder Gjinushi ka bërë një parashikim se sa deputetë do të marrin tre partitë e mëdha politike në 25 qershori.
Gjinushi thotë se PS nuk merr më shumë se 66 mandate, LSI sipas tij bie mes 9 dhe 15 deputetë, ndërsa PD do varijojnë ndërmjet 50 dhe 60 mandate deputetësh.
“Me kushtet e krijuara, Partia Socialiste nuk merr dot më shumë se 66, pra s’e kap 70-ën. Partisë Demokratike Rama i dha dorën, përveçse thotë se sigurova pjesëmarrjen. Kjo do të ketë efekte në elektorat. LSI do tentojë nga një deri në 2 për çdo rajon. Tavani është tavani për LSI-në është 12-15, dyshemeja te 8-9. Ndërsa PSD do marrë mbi tre mandate. PD do marrë 50-60 deputetë”, u shpreh Gjinushi.
Kreu i PSD, shpreh rezerva për marrëveshjen Rama-Basha. Ai theksoi se po të ishte president i Republikës nuk do ta dekretonte datën 25 qershor të vendosur nga negociatat mes Ramës dhe Bashës.
