Ish-kryetari i LSI-së, Ilir Meta ka reaguar për deklaratën e kryeministrit Rama se Partia Socialiste do t’i bëjë e vetme 71 deputetë.
Presidenti i zgjedhur Meta, i ftuar në emisionin “Zonë e Lirë” është pyetur nga moderatori, Arjan Çani “Kryeministri Rama pas deklaratave se LSI dëshiron të dalë forcë e parë, PD do të dalë forcë e parë, ka thënë ne duam të dalim forcë e parë. A mendoni se partia Socialiste do të dalë forcë e pare dhe do të marrë 71 vota? Meta iu përgjigj: Në qoftë se Rama bashkohet me Partinë Demokratike arrin që t`i ketë 71 deputetë.
Ndërkohë më herët nga Korça kryeministri Rama ironizoi me Lëvizjen Socialiste për Integrim, dhe Partinë Demokratike të cilat deklaruan se duan të dalin forcë e parë. Sipas Ramës, PS pas 25 qershorit, fiton 71 mandate.
“LSI dëshiron të dalë forcë e parë, PD do të dalë forcë e parë, edhe ne duam të dalim forcë e parë. Ne duam ta fillojmë me 71 vota për PS-në që nuk do të thotë aspak se ne duam më shumë pushtet, do të thotë që Shqipëria të mos humbasë kohë se ka humbur shumë në këto çerek shekulli”.
