Pas marrëveshjes historike Rama-Basha, deputeti i Partisë Socialiste, Erion Braçe ka devijuar nga tema kryesore, madje ka kërkuar falje për këtë.
Por, duket se Braçe e ka hallin diku tjetër. Deputeti ka sulmuar ministrin e Bujqësisë, Edmond Panaritin, të cilin e ka akuzuar për çmimin e ulët të qepës dhe patates, të cilin deputeti e konsideron krim.
“Ç’po ndodh me çmimin e patates e qepës, ministër?”, pyet drejtpërdrejt Braçe, teksa shkruan se në Divjakë patatja shitet 200 lekë të vjetra për kg, ndërsa qepa 250 lekë të vjetra.
Më poshtë postimi i plotë i Braçes:
“Me falni, po kam nje hall “banal”,
jo kaq te madh sa pushteti!!
CPO NDODH ME CMIMIN E PATATES E QEPES, MINISTER?!
Tani, ne mengjes, ne Divjake,
200 leke te vjetra per kilogram patatja e
250 leke te vjetra per kilogram qepa!!
Ky eshte krim!
2 here me poshte se kostoja cmimi i patates.
2 here me poshte se kostoja cmimi i qepes.
As qe ka te krahasuar me vjet, edhe pse vjet u shit ne kosto;
Per fitim as qe u be fjale!
Kontrollova tregun e madh te shumices tani,
ne autostrade ne Tirane dhe,
patatja po u shitet tregtareve te pakices nga ata te shumices qe kane grumbulluar prodhimin ne Divjake, me 750 leke, qepa me 800 leke!!
Ky eshte krim edhe me i madh!
Se te shiteshin ketu me 300 e 350 leke per njerezit qe ushqehen, do ishte gjysma e te keqes;
Njerezit do blinin e produkti do terhiqej nga Divjaka, bujqit ne te gjithe Lushnjen ne fakt!
Por makuteria e ketyre po “tapos” tregun, po kalb produktin ose po ul edhe me cmimin.
E di cdo te thote kjo minister?
Qe sezonin e ri, ata qe po vjen, te mos kete me kush para per te mbjelle!
Keshtu me domaten ne Kemishtaj e Goricaj, keshtu me specin ne Spolate, keshtu e me keq me kastravecin kudo, keshtu edhe me pataten e qepen.
Per tua kujtuar,
besoj e mbani mend qe ne pataten nuk e cojme dot as per eksport ne vendet e BE?!
E mbani mend polonine qe edhe e beri kontrata nje vit e ca me pare ne Divjake, por ne kufi zbuloi se produkti yne nuk lejohej te shitej ne vendet e BE?!
Ka kaluar nje jete-kohe, per bujqit kaq eshte dhe,
asnje treg i ri nuk eshte hapur per paten tone, te Divjakes e Lushnjes se pari!
Po e perseris,
ky eshte krim ndaj bujqve, ekonomise se tyre te vogel por eshte krim edhe ndaj ekonomise kombetare!”
