Duket se sërish nuk kemi një marrëveshje mes opozitës dhe mazhorancës. Burimet për Tirana Today bëjnë të ditur se në takimin e orës 21:00, Basha ka njoftuar aleatët se Rama është tërhequr nga paketa “McAllister”. Kështu, kryeministri nuk pranon datë tjetër për zgjedhjet përveçse 18 qershorit sepse kjo datë është kushtetuese.
Vlen të theksohet se opozita ka rënë dakord për vettingun. Duket se data e zgjedhjeve tashmë është e vetmja pikë që i mban të ndara të dyja palët politike.
Nga ana tjetër, opozita kërkonte shtyrjen e zgjedhjeve deri në implementimin e votimit elektronik dhe të identifikimit biometrik të votuesve.
ARSYET E DËSHTIMIT TË MARRËVESHJES:
Basha hoqi dorë:
- Nga miratimi i Vettingut sipas marrëveshjes së 21 korrikut të vitit të kaluar
- Nga krijimi i një qeverie teknike
Basha kërkoi :
- Shtyrja e zgjedhjeve parlamentare
- Numërimin elektronik
- Identifikimin biometrik i votuesve
Rama nuk pranoi :
- Shtyrjen e zgjedhjeve
- Pikat e tjera i ka lënë për një zgjidhje të mëvonshme
