Protagonisti numër 1 i çerekfinales kundër Barcelonës, nuk ka fshehur dëshirën që t’i dhurojë Juventusit, trofeun Kampion Europe, që do të ishte i treti për zonjën e vjetër.
“Në fillim e shikoja si ëndërr, por tani mund ta bëj realitet. Kemi punuar shumë për të qenë këtu. I gjithë ekipi ka punuar për t’u bërë kampion Evrope. Nuk jam i fokusuar në kampionat, sepse është një ëndërr e vogël në krahasim me Ligën e Kampionëve. Juventus ka sakrifikuar shumë për mua dhe dua t’ia shpërblej”, – u shpreh Dybala
Teksa u pyet për rivalët e ardhshëm në Ligën e Kampionëve, ai u shpreh i frikësuar duke thënë se Monaco i surprizoi ekipet e tjera me eliminimet që u bëri.
“Sfida me Monacon do të jetë e vështirë, ata surprizuan Manchester Cityn dhe Dortmundin. Mund të na surprizojnë dhe ne. Fakti që ata janë në gjysmëfinale do të thotë se janë një ekip me mundësi për ta fituar trofeun. Duhet të jemi të fokusuar, për të shkuar në finale” – tha argjentinasi.
Kur u pyet se cilët do të jenë finalstët, ai tha me bindje se do të qe Reali i Madridit.
“Finalistët e ligës së kampionëve? Reali i Madridit. Ata nuk dorëzohen lehtë. Ata do tëjenë në finale, të paktën kështu mendoj unë. Më vjen keq për Atletikon, por faji është i fatit që iu rezervoi Realin”, – përfundoi Dybala
