Drejtoresha e Institutit të Shëndetit Publik, Albana Fico ka folur në një intervistë për ‘ABC News’, me gazetaren Juli Xhokaxhi, mbi situatën pandemike dhe variantin Delta të virusit në vënd.
Lidhur me qëndrushmërinë e situates “Prej 17 javësh situata ka pasur një trend të qëndrueshëm. Sot në spital kemi 5 të shtruar dhe s’kemi fatalitete. Duhet të japim gjithmonë pak kohë një fenomeni që ndryshon a është një qëndrueshmëri që na bën të mendojmë se kemi kthesë në këtë proces.”
Mbi pyetjen nëse virusi është dobësuar apo jo… “Nuk duhet të harrojmë që në verë ka një hapje me lehtësim të masave me ose pa variante është diçka që do të sjellë rritje. Këto infeksione janë në numra të vegjël, por për të thënë që pandemia ka mbaruar nuk është e arsyeshme dhe është e parakohshme.
Lidhur me variantin Delta, nëse ka hyrë në Shqipëri. “Varianti Delta ka prekur 104 vende të botës. Në laboratorin e ISHP kemi pasur sinjale të pazakonta të mostrave. Në fillimin e pandemisë kishin virusin që erdhi nga Kina. Më pas u përballën me sinjale të pazakonta. Edhe sot kemi sinjale. Ne kemi izoluar këto mostra dhe i kemi dërguar në Gjermani. Presim edhe përgjigjen. Do të ishte e pamatur nga ana ime që të thoja se e kemi. Shifrat për të cilat flasim nuk janë të atij niveli. Varianti delta është i studiuar mirë. Jemi përpara një varianti që qarkullon bollshëm në botë. Kjo lloj gjëje është e rëndësishme të kuptojmë që ky variant ka transmetueshmëri më të lartë. Kur lehtësohen masat ka histori shpërthimi.
Dhe në fund një mesazh për të gjithë: “Nuk është vetëm Delta që qarkullon. Ne duhet të vaksinohemi.”
