Alen Sherri, portieri i Kombëtares Shqiptare ka folur për grumbullimin e tij të parë me anë të një video-mesazhi të postuar në faqen zyrtare të Federatës Shqiptare të Futbollit.
Gardiani i ri në moshë është shprehur ndër të tjera krenar dhe i mirëpritur.
“Jam shumë krenar që mora ftesën time të parë. Atmosfera në ekip është shumë e mirë. Mezi presim ty luajmë këto dy ndeshje. Grupi më ka pritur shumë mirë dhe shpresoj në rezultat pozitiv. Shpresoj që të kem minuta dhe të luaj. Kjo do ishte një ëndërr e realizuar për mua”
Alen Sherri është 23 vjeçar, ka lindur në Shkodër dhe është 1.96 metër i gjatë. Portieri luan aktualisht për ekipin e Laçit në Superligë ku numëroi 41 paraqitje mes kampionatit, kupës dhe Ligës së Europës.
Sherri shihet si një nga talentet më premtues të brezit të tij dhe në çdo sesion merkatoje emri i tij lidhet me oferta nga jashtë vendit.
