Ramadan Ndreu është shkarkuar pas disfatës në Fushë Krujë ndaj Kastriotit. Në njoftimin e publikuar nga skuadra e Kukësit, thuhet se shkarkimi erdhi pasi Ndreu ishte shumë inaktiv në pankinë dhe se humbja e sotme e ngarkon atë me përgjegjësi të plotë.
Por, menjëherë pas humbjes dhe para se të merrte lajmin e shkarkimit, Ndreu e ka justifikuar kështu faktin se ka qenë shumë inaktiv:
“Tifozeria ishte shumë e zjarrtë, unë jam trajner krutan që e kam drejtuar shumë herë Krujën. Thashë mos krijoja incidente. Tifozllëku acarohet kur je shumë aktiv. Krijohet presion që ne nuk na shërbente. Në kuadrin e 90-minutave, skuadra ishte përgatitur për të dhënë maksimumin. Këto janë arsyet pse isha i qetë”, tha ia për mikrofonin e Supersport.
