Nëntë kandidatë të tjerë kanë dorëzuar formularin e dekriminalizimit pranë KQZ-së, duke kërkuar kështu të marrin mandatin e deputetit.
Burime brenda KQZ-së bëjnë me dije se një nga kandidatët është dhe Majlina Halili, e cila renditej në listat zgjedhore të 2017-ës në vendin e 47-të.
Halili vjen nga radhët e PD-së, ku pritet që të marrë mandatin e deputetes në Kuvendin e Shqipërisë, duke iu bashkuar kështu 8 deputetëve të tjerë të cilët kanë pranuar mandatet e djegura nga paraardhësit e tyre.
Pas deputetëve që betohen sot në Kuvend, Ylli Shehu, Aurora Mara, Enver Roshi, Edmond Rrushi, dhe Lefter Maliqit të PD-së në Berat, 3 emra të tjerë kanë dorëzuar formularin e dekriminalizimit në KQZ.
Ata janë Ligoraq Karamelo në listat e PD-së në Korçë, Ediola Braha nga listat e LSI-së në Gjirokastër dhe Elda Hoti në listën e LSI-së në Lezhë. Braha ka qenë kryetare e LSI-së për Tepelenën, dhe dje ka dhënë dorëheqjen nga ky pozicion që mbante.
