Qëkur Emanuel Egbo mori në dorë drejtimin e klubit të Tiranës, skuadra ka njohur ditët e saj më të mira në kohët e fundit.
Nëse nuk do të ishte për barazimin ndaj Skënderbeut, klubi bardheblu do të kishte bërë 10 fitore radhazi tashmë.
Në Vlorë, përballë Flamurtarit, mjafton një autogol i Vrapit dhe një rrjetë e Kobinnah për të marrë fitoren e 9-të në 10 ndeshjet e fundit.
Tirana ka menaxhuar ndeshjen që në fillim, edhe pse në pjesën e dytë, Flamurtari u bë i rrezikshëm në disa momente dhe sidomos me Ribaj, që provoi me roveshatë.
Bardheblutë janë vetëm 6 pikë larg vendit të dytë, pra Kukësit, që barazoi brenda fushe ndaj Vllaznisë (0-0) në debutimin e Orges Shehit.
