Mbrëmjen e djeshme, për fat të keq ka shkuar në 7 numri i viktimave nga COVID-19 në vendin tonë. Ministria e Shëndetësisë njoftoi se në Spitalin Infektiv në Tiranë, ka humbur jetën një 85-vjeçare, e cila vuante edhe nga disa sëmundje kronike.
Po kështu, numri i të infektuarve në vendin tonë ka shkuar në 174, dhe mes tyre 17 pacientë kanë fituar betejën me COVID-19.
Tropoja i është bashkuar listës me 2 të infektuar, ndërsa epiqendra është në Tiranë me 102 të infektuar.
Lidhur me këtë pandemi që ka përfshirë edhe Shqipërinë, e cila ndodhet në karantinë, qeveria ka marrë menjëherë masat.
Qeveria ka njoftuar së fundi se spitali COVID1 është Spitali Infektiv, në të cilin ndodhen të shtruar persona të infektuar. COVID2 është spitali “Shefqet Ndroqi”, me një kapacititet prej 190 shtretër, ndërsa COVID3 do të jetë spitali i Traumës.
Ndërsa COVID4 do të jetë do të jetë godina e universitetit të mbyllur, “Kristalit”, që pritet të kthehet në një spital për të prekurit.
