Kina prodhon vaksinën e parë kundër Covid-19. Autoritetet rregullatore kanë aprovuar përdorimin e vaksinë pasi sipas tyre ajo është 79.34% efektive, shkruan Reuters.
Vaksina kineze është prodhuar nga gjigandi farmaceutik shtetëror Sinopharm.
Instituti i Produkteve Biologjike të Pekinit Co., një degë e Sinopharm, tha në një deklaratë të botuar të Mërkurën se rezultatet e përkohshme tregojnë se vaksina Sinopharm është e sigurt dhe njerëzit që morën dy doza prodhuan antitrupa të nivelit të lartë.
Por, deklarata nuk dha detaje mbi të dhënat, të tilla si numri i të testuarve, numri i infeksioneve në provë dhe efektet anësore.
Ekspertët e shëndetit paralajmërojnë se të dhënat pa detaje të mjaftueshme mund të minojnë besimin te vaksina.
