Në orën 07: 00 nisi zyrtarisht procesi i votimit në të gjitha qendrat në Republikën e Shqipërisë. Deri në orën 19.00, qytetarët shqiptarë do të votojnë për të zgjedhur 61 kryetarët e Bashkive.
Zgjedhjet lokale po monitorohen nga 150 prej vëzhguesve të OSBE/ODIHR, si edhe nga misionet e ambasadave të huaja në vendin tonë.
Në terren për të garantuar një proces zgjedhor të qetë, Policia e Shtetit ka angazhuar 7779 efektivë, nga të cilët 5876 punonjës do të angazhohen me shërbim për ruajtjen e objekteve, dhe 1450 punonjës policie do të jenë në funksion dhe gatishmëri të procesit zgjedhor.
KQZ ka publikuar edhe modelin e fletëve të votimit, për kryetar Bashkie dhe anëtar të Këshillave Bashkiakë.
