Tashmë prej ditësh, presidenti Meta është kthyer në ‘lajmin e ditës’, për shkak të “ngërçit” politik dhe përplasjeve me institucionet e Drejtësisë.
Sot, si ditë e shtunë dhe si për të qenë ‘larg’ politikës, presidenti ka treguar mbi zhvillim të rëndësishëm në prag të festave të nëntorit. Mësohet se Meta ka dekoruar Organizatën e Veteranëve të Luftës Antifashiste Nacional-Çlirimtare. Kjo me rastin e 75-vjetorit të Çlirimit të Shqipërisë.
“Kam kënaqësinë të ndaj me ju vendimin tim për të nderuar, në kuadër të 75-vjetorit të Çlirimit të Shqipërisë, Organizatën e Veteranëve të Luftës Antifashiste Nacional-Çlirimtare, me Dekoratën e lartë “Nderi i Kombit”. Gjaku për Çlirimin e Atdheut nuk mund të bëhet ujë!”, shkruan Presidenti në një status në Facebook.
