Të tjera detaje kanë dalë lidhur me plagosjen ndaj 26-vjeçarit Frederik Leka mbrëmjen e djeshme në Mirditë.
Sipas policisë, janë identifikuar katër personat që ushtruan dhunë fizike ndaj të riut dhe më pas e qëlluan me armë zjarri.
“Nga tërësia e veprimeve hetimore rezultoi se gjatë një konflikti për motive të dobëta,në bashkëpunim me njëri-tjetrin, shtetasit A.N.,A.N., V.P. dhe A.P.,banues në Lezhë dhe Mirditë, kanë goditur me sende të forta dhe plagosur me armë zjarri shtetasin F. L”, thuhet në njoftimin e policisë.
Burime nga “Report tv” bëjnë me dije se Frederik Leka ka qenë i dënuar me 4 vite burg për lëndë narkotike në Greqi. Ndërkohë, e vitin 2013 i është ekzekutuar me çifte pranë banesës edhe babai i tij, Mark Leka. Por kjo ngjarje ende nuk është zbardhur.
26-vjeçari është transportuar me urgjencë në Spitalin e Traumës në Tiranë, pas e kanë qëlluar me dy plumba, një në shpatull dhe një tjetër në këmbë.
Ndërkohë, policia po punon për kapjen e autorëve të dyshuar.
